Vil du skrive, formidle og dyrke fram ditt uttrykk?

I lag med dyktige folk rundt deg får du utvikla ditt talent!

Vil du skrive, formidle og dyrke fram ditt uttrykk?

I lag med dyktive folk rundt deg får du utvikla ditt talent!

Artist og låtskrivar

På Manger ligg alt til rette for at du skal kunne utvikle deg som songar, artist og som låtskrivar! I eit kreativt miljø kan du uttrykke deg frå scena, i studio og i øvingsromma saman med andre musikarar som deler den same lidenskapen for musikk.

Send søknad

Meir om linja

På Artist og låtskrivar kan du få rettleiing til å finne di eiga stemme, dyrka fram ditt eige uttrykk og skape musikk som gjenspeilar deg. Uansett om du vil skrive eigen musikk, fronte eit band, delta på låtskrivar-camp, jobbe med studioinnspelingar eller medbacking vocals vil du saman med likesinna ungdommar kunne skape eit år der du får trene på heile prosessen frå idé til ferdig produkt. 

Fire linjer – tett samarbeid

Band: scene og studio, Artist og låtskrivar, Hiphop og Musikkproduksjon er fire linjer som samarbeider tett. Våre arbeidsmetodar set deg som elev i reelle situasjonar og gjev deg eit godt fundament for å forstå prosessane i bransjen.

Linjene har fleire fellesfag. Kombinasjonen av linjene resulterer i eit kreativt miljø der arbeid i studio og øvingsrom er ein naturleg del av kvardagen. Du har tilgang til flotte fasilitetar, profesjonelt utstyr og ein lærarstab som utfyller kvarandre på alle fagfelt. Studieturen til Los Angeles er inkludert i skulepengane.

Utstyr og fasilitetar på skulen

På Manger folkehøgskule er me stolte over å ha ein heilt sjuk utstyrspark som spenner frå moderne datadrive utstyr til det akustiske og vintage.  

Meir om fasilitetar og utstyr
Gut har det morosamt i elevstova
Gut miksar lyd på berbar pc
Studentar lagar noteark ved å spele på keyboardet
Jente i lydmiksestudio som smiler mot kamera
Meir info
Studietur

Linjene Artist og låtskrivar, Band: scene og studio, Hiphop og Musikkproduksjon samarbeider mykje i løpet av skuleåret og det er derfor naturleg å dra på studietur saman. Målet for studieturen er å besøke nokre av dei mest nyskapande og hippaste miljøa i musikkbransjen. Tidlegare har turen gått til London, New York og Los Angeles, og me er stadig på utkikk etter nye og spanande destinasjonar. Det er ei heil verd der ute å oppdage! Me besøker studio, scener og utøvarar frå mange ulike sjangre som kan dele av sine erfaringar og sitt kjennskap til det lokale musikklivet. Vi går også sjølvsagt på konsertar og forsøker å få med oss så mykje som mogleg av den lokale kulturen på alle måtar.

For skuleåret 22/23 er reisemål framleis usikkert, men me vil oppdatere denne sida så fort det er bestemt. Skulen må til ein kvar tid rette seg etter reiseråda til FHI og UD. 

På turen til LA i April 2019 hadde vi mellom anna dette på programmet:

  • Masterclass med Wayne Miller i Selma studio, Hollywood. Tema: Vokalproduksjon
  • Omvisning i EastWest studios på Sunset boulevard i Hollywood.
  • Besøk hjå APG Studios
  • Masterclass med Merethe Soltvedt. Tema:
  • Låtskriving
  • Masterclass i REV9 studio. Tema: Innspeling av band

Av konsertar fekk vi med oss:

  • Kansas
  • Murs
  • Quinn XCll
  • Ben Rector
  • Alex Machacek (the Baked Potato)

Uansett reisemål kan me garantere ein innhaldsrik og spanande studietur du aldri vil gløyme!

Fag i faget
  • Individuelle timar med songpedagog
  • Låtskriving
  • Musikkteori
  • Høyrelære
  • Øvingsmetodar
  • Improvisasjon
  • Musikkteknologi med Logic Pro X

Hits: 14